Аккредиттеу орталығы сыртқы кешенді бағалауды келесі талаптарға сәйкес келетін мамандарды тарта отырып жүргізеді:

1. Сарапшы-дәрігерді таңдау критерийлері:

• жоғары медициналық білім;
• денсаулық сақтау ұйымдарында кемінде жеті жыл жұмыс тәжірибесі.

2. Сарапшы-мейірбикені таңдау критерийлері:

• мейірбике ісі бойынша арнаулы орта немесе жоғары медициналық білім;
• денсаулық сақтау ұйымдарында кемінде жеті жыл жұмыс тәжірибесі.

3. Сарапшы-әкімшіні таңдау критерийлері:

• жоғары арнаулы білім;
• денсаулық сақтау ұйымдарында кемінде жеті жыл жұмыс тәжірибесі.

Бағдарлама талаптары

• Оқыту бағдарламасын бастамас бұрын, медициналық ұйымдарды аккредиттеу стандарттарымен танысу қажет

• Оқуға қатысуға өтінім беру кезінде бастапқы білімді тексеру үшін тест тапсыру қажет. Тек шекті балл жинаған жағдайда (15 сұрақтан 10) үміткер оқуға шақырылады.

• Қорытынды тестілеуге өту үшін оқу бағдарламасына 100% қатысу қажет

• Сарапшы болу үшін сізге Аккредиттеу орталығы ұсынатын 60 сағаттық оқуды аяқтау қажет. Содан кейін байқаушы (тағылымдамашы-сарапшы) ретінде медициналық ұйымдарды аккредиттеу процессіне қатысу қажет

Күтілетін соңғы нәтижелер:

• тыңдаушылардың денсаулық сақтау саласындағы аккредиттеу қағидаттарын қолдану бойынша білім алуы;
• медициналық ұйымдарды аккредиттеу (сыртқы кешенді бағалау) үшін қажетті сарапшы дағдыларын игеру;
• Медициналық ұйымдарды аккредиттеу кезінде қажетті әдістер мен құралдарды қолдану;
• өзін-өзі бағалауды жүргізу үшін медициналық ұйымдарды дайындау әдістемесін білу;
• аккредиттеу жүргізу кезінде ақпараттық жүйені (СУКМУ) білу және дұрыс пайдалану;
• әлемдегі медициналық ұйымдарды аккредиттеу саласындағы негізгі үрдістерді білу;
• медициналық ұйымдарда аккредиттеу стандарттарының орындалуын бағалауды өткізу үшін аккредиттеу сарапшысы болу.