2022 жылдың 26 ақпанында Денсаулық сақтау саласындағы сапа жөніндегі аккредиттеу орталығы ұлттық аккредиттеу сарапшылары мен медициналық ұйымдардың қызметкерлері үшін АББ бойынша тегін вебинар өткізді.

Спикерлер ретінде “Денсаулық сақтаудағы үздік тәжірибелерді қолдау жөніндегі халықаралық топ” ҚБ өкілдері, Бірлестік төрайымы, медицина ғылымдарының кандидаты Кулкаева Гульнара Утепбергенова, медицина ғылымдарының кандидаты Мукашева Салтанат Болатовна және қоғамдық денсаулық сақтау магистрі Кожагельдиева Лаура Халиковна сөз сөйледі. Платформа мүмкіндігіне байланысты, вебинарға тыңдаушылардың ең көп саны қатысты (300 адам), бұл денсаулық сақтау қызметкерлері арасында осы тақырыптың өзектілігін көрсетеді.

Дәріс бөлімі аяқталғаннан кейін спикерлер сұрақ-жауап сессиясын өткізді.