2022 жылдың 30 шілдесінде Денсаулық сақтау саласындағы сапа жөніндегі аккредиттеу орталығы ұлттық аккредиттеу сарапшылары мен медициналық ұйымдардың қызметкерлері үшін ақпараттық қауіпсіздік бойынша тегін вебинар өткізді.

Astana Hub халықаралық технопаркінің штаттан тыс IT консультанты Жаупов Даурен 130 адамнан тұратын аудитория алдында баяндама жасады.

Даурен өз презентациясында медициналық ұйымдардағы ақпараттық қауіпсіздіктің негіздерін түсіндірді. Дәріскер компьютермен жұмыс істеу кезінде дұрыс әрекет алгоритмінің мысалдарын келтіре отырып, ақпаратты қорғау тетіктеріне егжей-тегжейлі тоқталды.

Дәріс  аяқталғаннан кейін сұрақ-жауап сессиясы өткізілді.