БОСАНДЫРУ СТАНДАРТТАРЫ БОЙЫНША ВЕБИНАР
БОСАНДЫРУ СТАНДАРТТАРЫ БОЙЫНША ВЕБИНАР 2022 жылдың 12 наурызында Денсаулық сақтаудағы сапа жөніндегі аккредиттеу орталығы ұлттық аккредиттеу сарапшылары мен медициналық ұйымдардың қызметкерлеріне арналған босандырудың аккредиттеу стандарттары бойынша тегін вебинар өткізді. «Астана медицина университеті»КЕАҚ акушерлік және гинекология кафедрасының доценті, ұлттық аккредиттеу сарапшысы, медицина ғылымдарының кандидаты Шарипова Халида Кубентаевна 230 адамнан тұратын аудитория алдында баяндама жасады. Өз баяндамасында Халида Кубентаевна тыңдаушылар дұрыс түсініп, өз ұйымдарына енгізе алатындай босандыру стандарттарының әрқайсысына және олардың өлшемшарттарына жеке тоқталды. Дәріс бөлімі аяқталғаннан кейін сұрақ-жауап сессиясы өткізілді.
АББ бойынша Вебинар
АУРУЛАРДЫ БАСҚАРУ БАҒДАРЛАМАСЫ БОЙЫНША ВЕБИНАР 2022 жылдың 26 ақпанында Денсаулық сақтау саласындағы сапа жөніндегі аккредиттеу орталығы ұлттық аккредиттеу сарапшылары мен медициналық ұйымдардың қызметкерлері үшін АББ бойынша тегін вебинар өткізді. Спикерлер ретінде «Денсаулық сақтаудағы үздік тәжірибелерді қолдау жөніндегі халықаралық топ» ҚБ өкілдері, Бірлестік төрайымы, медицина ғылымдарының кандидаты Кулкаева Гульнара Утепбергенова, медицина ғылымдарының кандидаты Мукашева Салтанат Болатовна және қоғамдық денсаулық сақтау магистрі Кожагельдиева Лаура Халиковна сөз сөйледі. Платформа мүмкіндігіне байланысты, вебинарға тыңдаушылардың ең көп саны қатысты (300 адам), бұл денсаулық сақтау қызметкерлері арасында осы тақырыптың өзектілігін көрсетеді. Дәріс бөлімі аяқталғаннан кейін спикерлер сұрақ-жауап сессиясын өткізді.
Ұлттық аккредиттеу сарапшыларының брифингі
2022 жылғы 18-19 ақпанда Денсаулық сақтаудағы сапа жөніндегі аккредиттеу орталығы ұлттық аккредиттеу жүйесінің 13 жылдығына орай сыртқы кешенді бағалау сарапшылары үшін жыл сайынғы брифинг өткізді.Брифингтің мақсаты 2021 жылдың қорытындысын шығару, медициналық ұйымдарды аккредиттеу саласындағы жетістіктері үшін марапаттау, сарапшылар арасында тәжірибе алмасу және аккредиттеудің жаңартылған стандарттарына оқыту болдыІс-шара барысында Қазақстан Республикасы Денсаулық сақтау министрлігінің, «Әлеуметтік медициналық сақтандыру қоры» КЕАҚ, үкіметтік емес ұйымдардың, сондай-ақ Денсаулық сақтаудағы сапа жөніндегі халықаралық қоғамның (бұдан әрі-ISQua) өкілдері сөз сөйледі. Сарапшыларға әріптестерімен тәжірибе бөлісу және брифингте спикерлер ретінде сөз сөйлеу мүмкіндігі ұсынылды. Брифингтің екінші күні Аккредиттеу орталығы 2021 жылы ISQua қайта аккредиттеген жаңартылған аккредиттеу стандарттары бойынша оқыту жүргізді. ISQua-бұл коммерциялық емес халықаралық қауымдастық және мүшелікке негізделген ұйым, оның қызметі бүкіл әлем бойынша денсаулық сақтау сапасын жақсартуға бағытталған. ISQua денсаулық сақтау саласындағы аккредиттеу ұйымдарын аккредиттейді және әлемдегі осындай өкілеттіктері бар жалғыз ұйым болып табылады. Қазақстан Республикасының аккредиттеу орталығы (заң.атауы: «Денсаулық сақтау саласындағы сыртқы кешенді бағалау жөніндегі сарапшылардың және кеңесшілердің» қоғамдық бірлестігі) ТМД аумағындағы барлық үш ISQua бағдарламасы бойынша сәйкестік сертификаттары бар жалғыз ұйым болып табылады.
ISQuа қайта аккредиттеу
Денсаулық сақтаудағы сапа жөніндегі аккредиттеу орталығының Денсаулық сақтаудағы сапа бойынша халықаралық қоғамнан (ISQua) қайта аккредиттеуден сәтті өткендігін қуанышпен хабарлаймыз. International Society for Quality in Health Care (ISQua) — коммерциялық емес халықаралық қауымдастық және мүшелікке негізделген ұйым, оның қызметі бүкіл әлем бойынша денсаулық сақтау сапасын жақсартуға бағытталған. ISQua денсаулық сақтау саласындағы аккредиттеу ұйымдарын аккредиттейді және әлемдегі осындай өкілеттіктері бар жалғыз ұйым болып табылады. Бүгінгі таңда бүкіл әлем бойынша ISQua аккредиттелген аккредиттеу ұйымдарының саны 40-тан асады. Оның ішінде денсаулық сақтау саласындағы Joint Commission International (АҚШ), Аccreditation Canada (Канада), CHKS Assurance & Accreditation (Ұлыбритания) сияқты халықаралық танылған аккредиттеуші ұйымдар және басқалар. ISQua-да үш аккредиттеу бағдарламасы бар (әр 4 жыл сайын қайта аккредиттеу)*: Сыртқы бағалау ұйымдарын (аккредиттеуші ұйымдарды)аккредиттеу• Денсаулық сақтау және әлеуметтік қамсыздандыру стандарттарын аккредиттеу• Сарапшыларды даярлау бағдарламасын аккредиттеу2021 жылы Денсаулық сақтау саласындағы сапа жөніндегі аккредиттеу орталығы жоғарыда аталған барлық үш бағдарлама бойынша қайта аккредиттеуден өтті. ISQua сарапшыларымен қойылған бағалаулар өткен жылдармен салыстырғанда ең жоғары нәтижелерді көрсетеді: Аккредиттеуші ұйымдарға қойылатын стандарттарға сәйкестік– 98%;• Аккредиттеу стандарттарына қойылатын стандарттарға сәйкестік – 98%;• Сарапшыларды даярлау бағдарламаларына қойылатын стандарттарға сәйкестік– 100%. Бұл біздің ұйымның өз процестері мен қызметтерінің сапасын тұрақты негізде жақсартатынын және өз жұмысының бағдарын халықаралық деңгейде жүргізетіндігін көрсетеді. ISQua аккредиттеуі Денсаулық сақтау саласындағы сапа жөніндегі аккредиттеу орталығы қолданатын стандарттар, оқыту бағдарламалары мен процестер аккредиттеу органдарына қойылатын ең жоғары халықаралық стандарттарға сәйкес келетініне сенімділікті қамтамасыз етеді. * 2019 жылдың соңынан бастап ISQua аккредиттеуін 3 қолданыстағы бағдарлама бойынша ISQua External Evaluation Association (IEEA)жүргізеді
АККРЕДИТТЕУ ОРТАЛЫҒЫ ХАЛЫҚАРАЛЫҚ НАРЫҚҚА ШЫҚТЫ
Денсаулық сақтаудағы сапа жөніндегі аккредиттеу орталығы «World Standard Consulting» компаниясымен бірлесіп, Моңғолияның Президенттік клиникасын Қазақстан Республикасының аккредиттеу жүйесі бойынша аккредиттеу процесіне дайындауды жүргізді. Қазіргі уақытта «Төрийн тусгай албан хаагчдын нэгдсэн эмнэлэг» ауруханасы Қазақстан Республикасының аккредиттеу орталығы жүргізетін аккредиттеуден өтуге дайындалуда. Ұйымның сыртқы кешенді бағалауға дайындығы барысында аккредиттеудің жаңартылған стандарттары бойынша онлайн оқыту жүргізілді, сондай-ақ Улан-Батор қаласында орналасқан медициналық ұйымға барумен консалтингтік қызметтер көрсетілді. Медициналық ұйым дайындық барысында жауапкершіліктің жоғары дәрежесін және Денсаулық сақтау саласындағы сапа жөніндегі аккредиттеу орталығы берген аккредиттеу мәртебесін алуға деген ұмтылысын көрсетеді.
РЗН САПА ИНСТИТУТЫМЕН ЫНТЫМАҚТАСТЫҚ
2021 жылдың 8 маусымында Денсаулық сақтаудағы сапа жөніндегі аккредиттеу орталығы және «Ұлттық сапа институты» ФМБМ Денсаулық сақтау саласындағы сапа бойынша халықаралық қоғамдастықтың (ISQua IEEA, бұдан әрі – ISQua) талаптарына аккредиттеу қызметінің сәйкестігі мәселелерін талқылады. Қазіргі уақытта Росздравнадзордың «Ұлттық сапа институты» ФМБМ аккредиттеуші орган ретінде кейіннен аккредиттеу мақсатында ISQua стандарттарын енгізуге мүдделі. Ресей әріптестеріне барлық 3 бағдарлама (стандарттарды, оқу бағдарламасын және аккредиттеу органын аккредиттеу) бойынша ISQua талаптарына сәйкес процестерді құру және іске асыру мәселелерінде Аккредиттеу орталығы тұлғасында Қазақстанның тәжірибесі қызық болды. Қазақстандық тарап аккредиттеу стандарттарын әзірлеу бойынша өз тәжірибесімен бөлісті, сондай-ақ ISQua-ның қалған бағдарламаларына сәйкес келу үшін қажетті процестер мен уақыт шеңберлері бойынша жалпы ұсынымдар берді. Тараптар эпидемиялық жағдай тұрақталғаннан кейін тәжірибе алмасу және медициналық ұйымдарды аккредиттеу рәсіміне сарапшылардың өзара қатысуы мәселелеріндегі қызығушылықты растады. Анықтама үшін: ISQua – денсаулық сақтау саласындағы аккредиттеу ұйымдары үшін халықаралық аккредиттеу органы. ISQua аккредиттеуін Joint Commission international, Accreditation Canada, Australian Council on Healthcare Standards, Japan Council for Quality health Care және т.б. сияқты аккредиттеуші ұйымдар иеленеді.
ДЕНСАУЛЫҚ САҚТАУ САЛАСЫНДАҒЫ САПА ЖӨНІНДЕГІ АККРЕДИТТЕУ ОРТАЛЫҒЫ ИНСТИТУЦИОНАЛДЫҚ АККРЕДИТТЕУДЕН ӨТТІ
ДЕНСАУЛЫҚ САҚТАУ САЛАСЫНДАҒЫ САПА БОЙЫНША АККРЕДИТТЕУ ОРТАЛЫҒЫ ИНСТИТУЦИОНАЛДЫҚ АККРЕДИТТЕУДЕН ӨТТІ 26 наурызда Денсаулық сақтау саласындағы сапа жөніндегі аккредиттеу орталығы институционалдық аккредиттеуден өтті. Танылған аккредиттеу органдарының тізіліміне кіретін Еуразиялық аккредиттеу және білім беру және денсаулық сақтау сапасын қамтамасыз ету орталығы (ECAQA) жүргізетін қосымша білім беру ұйымдарын институционалдық аккредиттеу (үздіксіз кәсіптік дамыту) стандарттарына сәйкестігіне бағалау жүргізілді. Аккредиттеу орталығы жүргізетін сарапшыларды даярлау жөніндегі оқу бағдарламасы Болон процесі және академиялық ұтқырлық орталығының (Қазақстан Республикасы Білім және ғылым министрлігінің ведомстволық бағынысты ұйымы) тізіліміне енгізілетін болады Қосымша білім беруді «Денсаулық сақтау саласындағы мамандарға қосымша және формальды емес білім беру қағидаларын, денсаулық сақтау саласындағы қосымша және формальды емес білімнің білім беру бағдарламаларын іске асыратын ұйымдарға қойылатын біліктілік талаптарын, сондай-ақ қосымша және формальды емес білім беру арқылы денсаулық сақтау саласындағы мамандар алған оқудың нәтижелерін тану қағидаларын бекіту туралы» Қазақстан Республикасы Денсаулық сақтау министрінің 2020 жылғы 21 желтоқсандағы № ҚР ДСМ-303/2020 бұйрығына сәйкес аккредиттеу органдарында институционалдық аккредиттеуден өткен ұйымдар жүзеге асырады. Сыртқы кешенді бағалау сарапшыларын даярлау жөніндегі оқу бағдарламасы Денсаулық сақтаудағы сапа жөніндегі халықаралық қоғаммен (бұдан әрі – ISQua) аккредиттелген. Осылайша, Аккредиттеу орталығының оқу бағдарламасы қосымша білім берудің ұлттық және халықаралық талаптарына сәйкес келеді.
АО мен BalaJan арасындағы меморандум
Денсаулық сақтаудағы сапа жөніндегі аккредиттеу орталығы «BalaJan» медицина қызметкерлерінің одағы» ҚҚ ынтымақтастық туралы меморандумға қол қойды. Меморандум аясында өзара оқыту арқылы екі ұйымның сарапшыларының білімі мен тәжірибесін арттыру келісіміне қол жеткізілді. «BalaJan» қорының сарапшыларын босандыру қызметтері мен МСАК ұйымдарын аккредиттеу процесіне тарту, сондай-ақ Дүниежүзілік денсаулық сақтау ұйымы мен БҰҰ Балалар қорының (ЮНИСЕФ) жаһандық ұсынымдарына негізделген «Балаға достық қарым-қатынас ауруханасы» бағдарламасының стандарттарын орындау бойынша медициналық ұйымдарды бағалау рәсіміне Аккредиттеу орталығының сарапшыларын тарту жоспарлануда. «BalaJan» медицина қызметкерлерінің одағы» қоғамдық қоры ЮНИСЕФ-тің Қазақстандағы өкілдігінің серіктесі болып табылады және көптеген жылдар бойы аналар мен олардың балаларының денсаулығын сақтауға және нығайтуға бағытталған бағдарламаларды іске асырып келеді. 2018 жылдан бастап Аккредиттеу стандарттарында ДДҰ мен ЮНИСЕФ ұсынымдары аясында қауіпсіз босану және жаңа туған нәрестелерді емізу бойынша талаптар бар. «Біз жүкті әйелдерге, босанғаннан кейінгі әйелдерге және олардың отбасы мүшелеріне арналған медициналық қызметтердің сапасын жақсартуға бағытталған іс-шараларда сарапшыларымыздың тәжірибесін тарту және өзара байыту мүмкіндігіне қуаныштымыз», — деді Аккредиттеу орталығының төрайымы, Каупбаева Ботагөз Тулеугалиевна және «BalaJan» ҚҚ президенті Курмангалиева Эльнар Амангельдиевна
2021 жылға арналған аккредиттеуден кейінгі мониторинг жоспары
«Аккредиттеуден кейінгі мониторингті жүргізу және денсаулық сақтау саласындағы аккредиттеу туралы куәлікті қайтарып алу қағидаларын бекіту туралы» Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ-227/2020 бұйрығына сәйкес аккредиттеуден кейінгі мониторинг Қазақстан Республикасының Халық денсаулығы және денсаулық сақтау жүйесі туралы Кодексінің 25-бабының 7-тармағында көрсетілген, денсаулық сақтау саласында аккредиттеуден өткен тұлғаларға жүргізіледі. Аккредиттеуден кейінгі мониторинг жоспарлы тәртіппен 3 (үш) жылда бір рет, бірақ аккредиттеу туралы куәлікті алған күннен бастап 6 (алты) айдан ерте емес жүргізіледі. Аккредиттеуден кейінгі мониторинг жүргізу жоспары Денсаулық сақтау саласында аккредиттеуді жүзеге асыратын тиісті органның (ұйымның) сайтында орналастырылады. 2021 жылға арналған АКМ жоспары
ҚР Ұлттық курорттық қауымдастығындағы Ұлттық аккредиттеу бойынша Семинар
ҚР ҰЛТТЫҚ КУРОРТТЫҚ ҚАУЫМДАСТЫҒЫНДАҒЫ ҰЛТТЫҚ АККРЕДИТТЕУ БОЙЫНША СЕМИНАР 2022 жылдың 10 ақпанында Денсаулық сақтаудағы сапа жөніндегі аккредиттеу орталығының төрайымы ұлттық аккредиттеу жүйесі тақырыбы бойынша Қазақстан Республикасының Ұлттық Курорттық қауымдастығы өткізген семинар-кеңесте негізгі баяндамашы ретінде баяндама жасады. Баяндамада Каупбаева Ботагоз Тулеугалиевна аккредиттеу объектінің белгіленген өлшемшарттар мен көрсеткіштерге (стандарттарға) сәйкестігін ресми растау рәсімі болып табылатындығын атап, сондай-ақ медициналық ұйымдардағы медициналық көмек көрсету сапасына әсер етуі мүмкін барлық процестер мен факторларды қамтитын аккредиттеу стандарттарына егжей-тегжейлі тоқталды. Семинар-кеңеске қатысқан санаторийлер мен оңалту орталықтарының басшылары медициналық ұйымдарды, оның ішінде санаторлық-курорттық ұйымдарды аккредиттеу туралы толық ақпарат алды. Санаторийлердің басшылары бірнеше кезеңнен тұратын аккредиттеу рәсімін жүргізудің реттілігімен танысты: құжаттарға шолу, персоналға сауалнама, трейсерлер, байқау. Сондай-ақ, аккредиттеуден кейінгі мониторинг және фокус туралы білді. Жиналықса қатысушыларға әдістемелік нұсқаулықтар, аккредиттеудің негізгі процестері бар бейнероликтер және сапа саласындағы мамандармен тегін семинарлары бар аккредиттеуге дайындық туралы материалдармен танысу үшін интернет-ресурстар ұсынылды Қазақстан Республикасы Ұлттық Курорттық қауымдастығының Басқарма төрайымы Каиргельдина Саягуль Айдаровна Ботагоз Тулеугалиевнаға алғысын білдіріп, Қазақстан санаторийлеріне медициналық оңалту саласында емдеу-сауықтыру қызметтері мен көмек көрсету сапасының жоғары деңгейіне қол жеткізу үшін өз процестерін стандарттарға сәйкес келтіру қажеттігін атап өтті.
